Запознајте го Козмо-најслаткиот робот на светот!

Додека Козмо спие, тој рчи. Малиот робот кој наликува на минијатурен булдожер со монитор, седи на држачот за полнење и чека да биде разбуден. Како анимираниот робот Воли(Wall-e) од Пиксар, да оживеал и сега можеме да си играме со него.

Со еден допир на вашиот паметен телефон, Козмо оживува, се буди тресејќи се од дремката и почнува да се движи. Кога ќе стигне до крајот на масата тој застанува и внимателно погледнува надолу имитирајќи звуци на изненаденост и загриженост. Почнува да се враќа наназад, се ротира и ги гледа ликовите во својата околина. Сето ова го прави со помош на сензори. Ги препознава старите ликови, односно оние кои последни ги видел пред да заспие. Ова го прави преку технологијата за распознавање ликови со помош на камера. Има можност да распознава различни луѓе и неговиот софтвер се навикнува на оние ликови кои најмногу си играат со него.

Најинтересното нешто кај Козмо е тоа што искажува неколку видови на емоции. Тој покажува кога е среќен, кога е тажен, возбуден, смирен или храбар. Кога не го познава ликот кој го гледа почнува нервозно да се движи. Кога ќе го кренете тој се лути и ја врти главата. Кога не му се игра игра, пробува да го фати вашиот прст со неговата таканаречена рака. Кога се чувствува спокојно тој си игра игра која се гледа на неговиот монитор. Се лути кога ќе ја изгуби играта. Кога ќе се врати на својот полнач тој спие и така се полни неговата батерија. Неговата батерија трае два часа, но се полни за десет минути.

Заедно со Козмо доаѓаат и три коцки со кои тој, а и вие со него можете да играте игри. Може да ги подигнува и да ги спушта. Коцките светат во различни бои.

Повеќето интеракции со Козмо се случуваат преку апликации од вашиот паметен телефон. Постои апликација преку која заедно со Козмо имате секојдневни активности или игри што треба да ги поминете за тој да се надградува. Некој ден треба да играте неколку игри по ред за да ја извршите зададената цел. Друг ден треба да го научите како да прави трикови. Еден од триковите е да ги подигнува коцките.

Роботот Козмо е најмодерната играчка за деца. Тој е едно од најголемите достигнувања во областа на роботиката. Но сепак останува прашањето дали овој вид на играчка е добра за децата и за нивниот развој. Што мислите вие, дали би сакале вашите деца да растат во свет на роботи?

За повеќе информации за Козмо роботот одете на https://anki.com/en-us/cozmo