ЗА НАС

Центарот за едукација и креативност на деца и млади „Никулец Креатива“ во училишната 2016/2017 година за Вашите деца нуди:

Дополнителни и додатни наставни програми од: математичко, природно, општествено-хуманистичко, уметничко и јазично подрачје;

Подготвителна настава за екстерно тестирање;

Градење на самодоверба и подобрување на училишните навики;

Развивање на комуникациски вештини;

Поттикнување и откривање на талентот на ученикот;

Современи простории со пријатна училишна атмосфера...

Со помош на стручни професори учениците ги изработуваат своите домашни задачи, ги повторуваат лекциите учени во тековниот ден, работат други училишни обврски. Со тоа се оспособуваат сигурно и активно да го исполнуваат преостанатото време по наставата и секогаш да бидат подготвени за наредниот ден во училиште.

Придобивки:

Подобрување на успехот во училиште;

Згрижување на учениците пред или после наставата;

Намалување и олеснување на училишните обврски на родителите кон децата;

Развивање на социјални, креативни вештини;

Континуирано учење и напредување.

Мисијата на Центарот за едукација и креативност на деца и млади „Никулец Креатива“ е на Вашите деца да им понуди квалитетни, современи образовни програми за стекнување различни знаења и вештини. Преку програмата учениците постигнуваат добри резултати во учењето, развиваат љубов кон сите образовни предмети, а воедно ги следат нивните инетерси, преку интерактивен, хоризонтален однос помеѓу професорот и сите ученици. Со тоа оние кои учат стануваат центар на нивниот процес на учење и учењето го доживуваат како дел од себе а не како наметнато од страна.

Програма за ученици од I, II и III одд. кои учат според Кембриџ методи:

Креативно истражување со помош на уметноста преку природата и општеството,

Креативно истражување со помош на уметноста преку геометриските тела и архитектурата,

Креативно истражување со помош на уметноста преку музиката и творештвото.

Потребата за создавање на оваа програма произлезе од воведување на новата наставна програма според Кембриџ методи за учениците од I, II и III одд. Со оваа програма им овозможуваме на децата од I до III одд. преку примена на креативни техники да ги совладаат и разберат тематските содржини од нивните предмети кои ги имаат во училиште. Програмата и активностите според кои се работи е прилагодена, адаптирана според потребите, интересите и способностите на учениците, со цел на крајот од програмата, извршувањето на сите поставени задачи, да доведе до комплетни и успешни резултати.

Поради успешно реализирање на програмата учениците ќе бидат поделени во две групи:

I група: I и II одд.

II група: III одд.

Ние сме училиште во кое се поттикнува, негува и почитува креативноста кај децата. Во нашето училиште:

Се користат креативни техники („Умствени мапи“ или „Пајаков Дијаграм“ од Тони Бузан, „Бура на идеи“ од Алекс Озборн, „Шест шешири“ од Едвард Де Боно...)

Процесот се вреднува повеќе од производот,

Се отстранува временското ограничување од активностите во кои учествуваат децата,

Се воспоставува слободна и отворена атмосфера а само-изразувањето се охрабрува и цени,

Децата се охрабруваат да ги разменуваат идеите со наставниците и помеѓу себе,

Натпреварувањето и конкуренцијата се настојува да се користи поретко,

Училишниот тим се труди да се намали стресот и анксиозноста кај децата...

Сите деца имаат потенцијал да постигнат голем дел од очекуваните стандарди во одредена возраст, со соодветна поддршка, инструкции и стимулација на развојот на раното учење. Во нашиот центар се опфатени сите основни домени во процесот на учење кај децата од 4 до 6 годишна возраст, како:

Физичко здравје и моторен развој,

Социоемоционален развој,

Развој на пристап кон учење,

Развој на јазикот, описменување и комуникација,

Когнитивен развој и стекнување на општи знаења.