Слатки велигденски зајчиња од волница

Потребни материјали:

 

• волница (сива, бела или крем боја);
• ножици;
• картончиња;
• лепило;
• филц;
• монистри црни;
• монистра розева;
• бела мала туфка;
• рибарски конец.

1. Најпрво направете две туфки од волница една поголема и една помала. На едно картонче во вид на полукруг намотајте ја волницата и потоа заврзете од едната страна,а од другата страна пресечете. На друго помало картонче повторете го истиот процес и направете помала туфка.

2. Обликувајте ги туфките со помош на ножички. Потоа заврзете ги една со друга како на сликата.

3. Потоа исечете уши од филцот како на сликата и залепете ги на главата на зајчето.

4. Залепете го опавчето – белата мала пуфка на зајачето.

5. За очи зашијте две мали монистри. За носе земете розева монистра и протнете низ неа неколку пати рибарски конец за да ги направите мустаќите на зајчето.

Направете неколку вакви слатки зајчиња и уживајте во играта.